ҮЙЛЧИЛГЭЭНИЙ НӨХЦӨЛ

Нэг. Нэр томьёоны тайлбар

• "AVTA" платформ гэдэг нь тээврийн компанийн үйл ажиллаагааг автоматжуулж, хэрэглэхэд хялбар болгосон тээврийн менежментийн цогц систем юм. Жолоочийн аппликейшн, веб платформ, менежерийн аппликейшн хоорондоо интеграци хийгдсэн бөгөөд тогтмол хөгжүүлэлт, сайжруулалт хийгдэх систем юм.
• "Байгууллага" гэж AVTA тээврийн менежментийн системийг эрхлэн ажиллаж буй хуулийн этгээдийг
• "Хэрэглэгч" гэж AVTA тээврийн менежментийн системд бүртгэл үүсгэсэн хувь хүн, хуулийн этгээдийг
• "Жолооч" гэж AVTA тээврийн менежментийн системд бүртгэлтэй компанийн тээвэрлэлтийг хийж буй хувь хүнийг
• "Менежер" гэж AVTA тээврийн менежментийн системд бүртгэлтэй компанийн үйл ажиллагааг хянаж буй ажилтныг

Хоёр. Үйлчилгээний нөхцөл хүчин төгөлдөр болох, нэмэлт, өөрчлөлт оруулах журам

Хэрэглэгч уг системийн санал болгож буй шийдлийг ашиглахын өмнө энэхүү Үйлчилгээний нөхцөлийг анхааралтай уншиж танилцсаны үндсэн дээр хүлээн зөвшөөрч "Зөвшөөрөв" товч дарснаар Үйлчилгээний нөхцөл тухайн хэрэглэгчийн хувьд хүчин төгөлдөр болно.

Үйлчилгээний нөхцөлийг анхааралтай уншиж танилцах үүргээ зохих ёсоор гүйцэтгээгүй нь Үйлчилгээний нөхцөл, түүний аливаа заалтыг танилцаагүй, мэдээгүй, ойлгоогүй, хүлээн зөвшөөрөөгүй гэж үзэх эсхүл Хэрэглэгчийн аливаа үүрэг хариуцлагаас чөлөөлөх үндэслэл болохгүй.

Үйлчилгээний нөхцөлтэй танилцаж зөвшөөрснөөр AVTA тээврийн менежментийн системийн санал болгож буй мэдээллийн системийн үйлчилгээтэй холбоотой эрх, үүрэг хариуцлагыг зөвшөөрсөнд тооцно. Үйлчилгээний нөхцөлийг зөвшөөрөөгүй бол AVTA тээврийн менежментийн системийн санал болгож буй үйлчилгээг авахгүй байхыг сануулж байна.

Гурав. Бүртгэл үүсгэх

Хэрэглэгч "Үйлчилгээ үзүүлэх гэрээ" байгуулан бүртгэл үүсгэнэ. Ингэхдээ байгууллагыг төлөөлөх ажилтанд мэдээллийг өгөх ба дээрх ажилтнууд AVTA тээврийн менежментийн системд нэвтрэн санал болгож буй үйлчилгээг авах эрхтэй болно.

Бүртгэл үүсгэх хүсэлт мэдээллийн системд бүртгүүлэхэд тухайн хэрэглэгчийн мэйл хаяг руу веб платформд нэвтрэх, шинэ нууц үг зохиох урилга очно. Нууц үгийн аюулгүй байдалтай холбоотой эрсдэлийг байгууллага хариуцахгүй болно.

Дөрөв. Байгууллагын хариуцлагын хязгаарлалт

• AVTA тээврийн менежментийн системийн үйлчилгээг ашигласнаар, хэрэглэгч болон жолооч нь өөрийн эрсдэлийг үнэлэн бүх эрсдэлийг хариуцна.
• Хэрэглэгчдийн хооронд гарсан аливаа маргаан, зөрчил нь AVTA тээврийн менежментийн системийн оролцоогүйгээр хэрэглэгчдийн хооронд шийдвэрлэгдэнэ.
• Системийн хэрэглэгч нь өөрийн хийсэн үйлдэлд бүрэн хариуцлага хүлээнэ.
• Системийн хэрэглэгч нь нэвтрэх мэдээлэл, нууц үгийн аюулгүй байдлыг бүрэн хариуцна.

Тав. Хэрэглэгчийн мэдээллийг нууцлах тухай

• Хэрэглэгчийн өөрийн хүсэлтээр оруулсан болон үйлчилгээ үзүүлэх явцад олж авсан мэдээллийг үйлчилгээнээс бусад зорилгоор ашиглахгүй байх.
• Хэрэглэгчийн өөрийн хүсэлтээр оруулсан болон үйлчилгээ үзүүлэх явцад олж авсан хувийн мэдээллийг гуравдагч этгээдэд дамжуулахгүй байх үүргийг хүлээнэ.
• Хэрэглэгчийн мэдээллийг олон улсын стандартад нийцсэн сервер дээр нууцлалын өндөр түвшинд хадгална.
• Хэрэглэгч системээс гар утасны аппликейшн дамжуулан хүссэн үедээ гарах боломжтой байна.

Зургаа. Гэнэтийн болон давагдашгүй хүчин зүйл

Гэнэтийн болон давагдашгүй хүчин зүйл гэдэгт гал түймэр, газар хөдлөл, салхи шуурга, аянга цахилгаан, үер усны гамшиг зэрэг байгалийн гамшиг, нийтийг хамарсан үймээн самуун, эмх замбараагүй байдал, ажил хаялт, эсэргүүцлийн хөдөлгөөн, гоц халдварт авчин, дайн, террорист халдлага, төрийн эрх бүхий байгууллагын шийдвэр, хорио, цээр, гуравдагч ханган нийлүүлэгч байгууллагын систем, сүлжээ, интернэт, эрчим хүч, тог цахилгааны тасалдал, сүлжээний хэвийн ажиллагааны горимоос хэтэрсэн гэнэтийн огцом ачаалал зэрэг Талуудын хүсэл зоригоос үл хамаарах, тэдгээрийн хяналтаас гадуур, урьдчилж тооцох ба даван туулах боломжгүй шалтгаануудыг ойлгоно.

Гэнэтийн болон давагдашгүй хүчний шинжтэй нөхцөл байдлын улмаас хүлээсэн үүргээ зохих ёсоор биелүүлэх боломжгүй болсон тохиолдолд нэн даруй нөгөө Талдаа мэдэгдэнэ. Энэ тохиолдолд үүрэг гүйцэтгэх хугацаа нь энэхүү нөхцөл байдал арилах хүртэл хугацаагаар хойшлогдоно.